អន្តរជាតិ : Miss Grand Myanmar ឆ្នាំ២០១៣ ថ្មីៗនេះបានបង្កឲ្យសាធារណៈជនចាប់អារម្មណ៍ខ្លាំង ដោយសារនាងសុខចិត្តកាន់កាំភ្លើង ចូលរួមក្នុងចលនាប្រឆាំងនឹងរបបយោធា។ នេះបើតាមការចេញផ្សាយ ដោយសារព័ត៌មាន South China Morning Post នៅថ្ងៃទី១៣ ខែឧសភា ឆ្នាំ២០២១។
ប្រទេសមីយ៉ាន់ម៉ា រហូតមកទល់នឹងបច្ចុប្បន្ននេះ បានធ្លាក់ក្នុងសភាពវឹកវរ ដែលមានទាន់ឃើញសញ្ញាណាមួយប្រសើរឡើងវិញឡើយ ចាប់តាំងពីរបបយោធាដឹកនាំដោយលោក មីន អោង ហ្លេង (Min Aung Hlaing) ឡើងកាន់អំណាចនៅថ្ងៃទី០១ ខែកុម្ភៈមក។ ងាកទៅខាងផ្នែកសិល្បៈវិញគឺ ពិធីករ តារាចម្រៀង និងតារាសម្តែងជាបន្តបន្ទាប់ ក៏បានចេញមុខប្រឆាំងរបបយោធាមីយ៉ាន់ម៉ាផងដែរ ហើយក្រោយមកក៏ត្រូវបានសមត្ថកិច្ច ចាប់ឃុំខ្លួនជាបន្តបន្ទាប់ផងដែរ៕
